اسلام آباد۔14اکتوبر (اے پی پی): بنجاھی وزیر نیک راھی کار نور الحق قادری ءَ گوشت کہ ورنائیں باھند آناں سیرت طیبہ ﷺ ءِ ھوالگ ءَ سرپدی دیان ءَ چاگرد ءِ استیں دود ءُ ربیدگی جیڈھ آں چہ گیش ءُ گیواری بوت کنت۔ مزن وزیر عمران خان ھم لوٹ ایت کہ نبی کریمﷺ ءَ گوں دوستی ءُ واھگ مئے ورنا آں تاں سر بہ بیت۔ آ پنچ شمبے ءِ روچ ءَ ریڈیو پاکستان آڈیٹوریم ءَ زیک پاکستان ءَ مقابلہ نعت وانی ءِ مراگش ءَ گوں گشتانک دیگ ءَ ات۔ وزیر ءِ نیک راھی کار ءَ مقابلہ نعت وانی ءِ برجا کنگ ءِ پد ءَ سیکرٹری اھوالکاری ءُ شنگ کاری شاہیرہ شاہد، وزارت ءِ اھوالکاری ءُ شنگ کاری ءُ ریڈیو پاکستان ءَ را توسیپ ءُ ستا پیش کت۔ آئی ءَ وگشت کہ نعت وانی مئے دود ءُ ربیدگ ءِ رنگ آنی سر ءَ جوانیں رنگ ات۔ ایشی ءَ چہ مئے دود ءُ ربیدگ ءِ رنگ آناں دیمروئی رس ایت۔ نعت وانی زمانہ ءِ نبوت ءَ چہ مئے مسلمان آنی عادت بوتگ۔
