کوئٹہ۔ 14 اکتوبر (اے پی پی) گورنر بلوچستان سید ظہور احمد آغا تون پنچ شنبے نادے آ اسلام آباد اٹی بنجائی وزیر خارجہ شاہ محمود قریشی اوڑدہی کرے۔ داوخت آ ہڑتوم آ راہشونک ملک انا جم سیاسی حالیت، ڈیہہ نا امن نا بحالی ٹی پاکستان نا کڑد و صوبہ غاتا نیام اٹ تعلقداری ءِ پین سوگو کننگ تون اوار تین پہ تینی است خواہی نا باندات آتیا گپ وتران کننگا۔ داوخت آ گورنر بلوچستان سید ظہور احمد آغا پارے کہ ڈیہہ ٹی پائیدار امن و دہشت گردی نا برخلاف جنگ اٹی پاکستان نا اہم ءُ کڑد اسے۔ داوخت آ بنجاو صوبہ غاتا نیام اٹ خوشگوار تعلقداری ء، ہرادے پین سوگوکننگ نا سخت گرج ءِ۔ ہڑتوم آ راہشونک بین الصوبائی رابطہ و ہم آہنگی نا مون آ دننگ آ زور شاغسا داہیت آ امنا کریر کہ صوبہ غاتا نیام اٹ تعلقداری تے پین سوگو کننگ تون اوار اوار الس نا الس تون رابطہ غاتے مون آ دننگ المی ءِ۔
