اسلام آباد۔ 14 اکتوبر (اے پی پی) وزیراعظم نا خصوصی کمکار قومی جان جوڑی ڈاکٹرفیصل سلطان پارینے کہ ہسپتال آتا کارکڑد ءِ گچین کننگ کن پبی حکمت عملی برجاسلک انتئے کہ جان جوڑی نا گچین طبی آسراتی الس نا حق ءِ۔ داخیال آتا درشانی ءِ او فلاحی مرکز زچہ بچہ خاہوتی ڈٹ بندی نا دفتر نا دورہ ٹی کرے۔ داوخت آ ڈاکٹر فیصل سلطان تون اوار بنجائی سیکرٹری جان جوڑی عامر اشرف خواجہ ہم ساڑی ئسک۔ ڈاکٹر فیصل سلطان مون تروک چیلنج و مشکل آتا بارواٹ استفسار کرے و رورل ہیلتھ سینٹر اٹی تروک آ غٹ طبی آسراتی تا جاچ ءِ ہلک۔ اوپارے کہ اسلام آباد کن کانود اس اتنگ اُن ہرانا رداٹ جان جوڑی نا آسراتی تے اسہ چھتری نا شیف آن اتینہ۔ اوپارے کہ بنداوی ہند و رورل ہیلتھ سینٹرز ءِ اپ گریڈ کننگ انگ ءِ وخت اس کہ پرائمری ہیلتھ کیئر سسٹم ءِ سوگو کننگ انگ ءِ۔ اوپارے کہ پرائمری ہیلتھ سسٹم سوگو و پورو فعال مریک تو بھلا ہسپتال آتیا بھاریم کم مریک۔ اوپارے کہ سہالہ سینٹر اٹی پین گچینی نا گرج ءِ و پین آسراتی ہم فراوان کننگ مریک۔ اوپارے کہ مرمر انگا علاقہ غاتے اُراتا خڑک طبی آسراتی فراوان کننگک۔ اوپارے کہ دا فلاحی ہند آتے ٹی رکھی ٹیکہ جات و ویکسینیشن نا گچین آسراتی ساڑی ءِ۔
