کوئٹہ۔ 14 اکتوبر (اے پی پی) بلوچستان عوامی پارٹی نا سیوتی جماعت پاکستان تحریک انصاف نا اہم باسک و ڈپٹی اسپیکر بلوچستان اسمبلی سردار بابرخان موسیٰ خیل بلوچستان عوامی پارٹی نا صدر وزیراعلیٰ بلوچستان آ تینا و تینا جماعت نا کنڈآن پبی پت انا درشانی ءِ کرینے و پارینے کہ ساڑی صوبائی مخلوط حکومت قائد ایوان وزیراعلیٰ بلوچستان جام کمال خان نا کماشی ٹی تینا پنچ سال انا آئینی مد ءِ ضرور پورو کیک۔ ساڑی صوبائی حکومت پاکستان تحریک انصاف، بلوچستان عوامی پارٹی و حکومت اٹ اوار ایلو سیوتی جماعت آتون پورو وڑاٹ سوگو ءِ و گڑاس باسک آتا است خواہی آ الس نا است خواہی و صوبہ نا اسہ وڑشونداری نا عمل ءِ پدپشت تخنگ مفک۔
