اسلام آباد۔ 14 اکتوبر(اے پی پی) وزیراعظم نا خصوصی کمکار موسمیاتی بدلی ملک امین اسلم تون پاکستان اٹی سعودی عرب سفیر نواف الملکی و برطانیہ نا ہائی کمشنر کرسچئین ٹرنر جتا جتا اوڑدہی کریر۔ وزارت موسمیاتی بدلی نا ترجمان نا رداٹ سعودی سفیر ملک امین اسلم تون وزیراعظم عمران خان نا دورہ سعودی عرب نا بارواٹ سلابت کرے۔ وزیراعظم عمران خان 25 اکتوبر آ سروکی سمٹ اٹی بشخ ہلیک۔ داوخت آ سعودی سفیر پارے کہ سعودی ولی عہد وزیراعظم ءِ چاگڑد نا بارواٹ دود اٹی مرکزی تران نا سلہ ہم خلک، نن خوانہ کہ پاکستان ءِ 50 ارب درخت آتا ڈٹ اٹی پارٹنر کین۔ داکان بیدس ملک امین اسلم تون برطانیہ نا ہائی کمشنر کرسچیئن ٹرنر ہم اوڑدہی کرے۔ اوڑدہی ٹی برطانوی ہائی کمشنر بلین ٹری سونامی ڈٹ انا ستاءِ کرے۔ برطانوی ہائی کمشنر گلاسکو کلائمیٹ سروکی دیوان نا بارواٹ میتھین عہد ڈاکومنٹ آ گپ وتران کرے۔ اوڑدہی ٹی ٹین بلین ٹری سونامی تون اوار انرجی، کلین گرین کون آ ڈٹ آتے ٹی کمکاری آ امنا کننگا۔ خصوصی کمکار ملک امین اسلم برطانوی ہائی کمشنر و سعودی سفیر ءِ سوینئیر اس پیش کرے۔
