فوج و حکومت اٹی ہچ ءُ اختلاف اس اف، غٹ اسہ پنہ غاٹو، ڈی جی آئی ایس آئی نا تقرری نا عمل زوت پورو مریک، بنجائی وزیر حوالکاری چوہدری فواد حسین نا پارلیمنٹ ہاؤس اٹی صحافی تتون غیررسمی گپ وتران

اسلام آباد۔ 14 اکتوبر (اے پی پی) بنجائی وزیر حوالکاری و شینکاری چوہدری فواد حسین پارینے کہ فوج و حکومت اٹی ہچ ءُ اختلاف اس اف، غٹ اسہ پنہ غاٹو، ڈی جی آئی ایس آئی نا تقرری نا عمل بناکرینے، زوت پورو مریک۔ پنچ شنبے نادے آ پارلیمنٹ ہاؤس اٹی صحافی تتون غیر رسمی گپ وتران کرسا اوپارے کہ الحمداللہ حالیت آک اسُل سہی ءُ، گڑاس تینے مشہور کننگ کن ہیت ءِ پین وڑ پیش کیرہ، ڈی جی آئی ایس آئی نا تقرری نا عمل بناکرینے ہرا زوت پورو مریک۔ اوپارے کہ نن ادارہ غاتا شرف ءِ کینہ، پاک فوج و حکومت نا نیام اٹ ہچ ءُ اختلاف اس اف، غٹ اسہ پنہ غاٹو۔