اسلام آباد۔ 14 اکتوبر (اے پی پی) وزیرخزانہ نا سپوکس پرسن مزمل اسلم پارینے کہ آئی ایم ایف جی ڈی پی نا بیٹ کچ آن اینخو سال اٹی پاکستان نا بنداوی وام تا کچ اٹی کمتی نا گمان ظاہر کرینے، 2022 اٹی داٹی پین کمتی بریک۔ پنچ شنبے نادے آ تینا ٹویٹ اٹی اوپارے کہ آئی ایم ایف دا کساس ءِ خلک کہ 2021اٹی جی ڈی پی نا بیٹ کچ آن وام تا کچ 83.4 درسد سلک و 2022اٹی دا پین کم مرسا 80.9 درسد مننگ کیک وخت اس کہ 2021 اٹی نیٹ وام تیٹی ہم کمتی نا گمان ظاہر کننگانے و جی ڈی پی نا بیٹ کچ آن وام تا کچ اینخو سال انا 74.8 درسد آن کم مرسا 2022 اٹی 74.1 درسد اسکان مریک۔
