اسلام آباد۔ 14 اکتوبر (اے پی پی) پاکستان اٹی چین نا سفیر نونگ رونگ پارینے کہ صوبہ سندھ اٹی چین پاکستان اقتصادی راہداری (سی پیک) پاور پروجیکٹ چرجوئی اتون شون ہلنگ ءِ، سی پیک نا رداٹ تھرانرجی لمیٹڈ ٹی ای ایل پاور پلانٹ آ کاریم نا ستاءِ کرے۔ اوپروجیکٹ نا عکس آتے ٹویٹر آ شیئر کرسا پارے کہ جوان انگا خبردادے کہ تھربلاکIIاٹی 330 میگاواٹ تھرانرجی لمیٹڈ پاور پلانٹ پروجیکٹ چینی و پاکستانی عملہ نا اسیجائی کوشست آتے اٹ چرجوئی اتون شون ہلنگ ءِ۔ سفیر مستی پارے کہ تعمیراتی سائٹ آ عمدہ رکھی ایس او پی تیا سختی اٹ عملدرآمد کننگ انگ ءِ ہرانا مسخت سائٹ آ ساڑی غٹ عملہ نا رکھ ءِ پورو وڑاٹ پک کننگ ءِ۔ 330 میگاواٹ نا کول پاور پلانٹ تھرانرجی لمیٹڈ پاور پلانٹ مائن نا خڑک تفوک آ پاور پروجیکٹ ءِ ہرا تھر انرجی نا کنڈآن تفنگ انگ ءِ ، دا حب پاور کمپنی (حبکو)، چائنا مشینری انجینئرنگ کارپوریشن (سی ایم ای سی) و فوجی فرٹیلائزر کمپنی (ایف ایف سی) نا ملکیت ءِ ۔ تھرانرجی لمیٹڈ پاور پلانٹ 30 سال انا پاور ہلنگ معاہدہ نا رداٹ نیشنل گریڈ ءِ فراوان فراوان کیک۔ تھر بلاک IIاٹی اینگروتھر بلاک IIپاور پلانٹ و تھل نووانا پن اٹ کولاآن چلینگوک آ پین اِراپلانٹ ہم تفنگ انگ ءِ۔ اینگرو تھربلاک IIپاور پلانٹ سندھ انا ضلع تھرپارکراٹی کولاآن چلینگوک آ پاور اسٹیشن ءِ۔ داپاکستان نا اولیکو پاور پلانٹ ءِ ہراتھر انا ہندی کولانا کوڑی تے کاریم اٹ اتیک۔ 660 میگاواٹ نا پاور پلانٹ، ہراکہ سی پیک نا بشخ اسے، اینگرو پاور جن تھر(ای پی ٹی ایل)، اینگرو پاور جن (ای پی ایل) ، چائنا مشینری انجینئرنگ کارپوریشن (سی ایم ای سی)، حبیب بینک و لبرٹی ملز انا شریداری اٹ تفنگانے۔
