باکو۔ 14 اکتوبر (اے پی پی) آذربائیجان اٹی مسافر بس و ٹرک اسے نا نیام اٹ ڈوک لگنگ آن 5 بندغ زوال و 10 بندغ ٹھپی مسنو۔ چینی خبررساں ادارہ آذربائیجان نا وزارت داخلہ امور پارے کہ سڑک شکست ہمووخت آ پیش بس ہراتم ہائی وے آ اسہ ٹرک اس ڈیور نا قابو آن پیش تمسا مسافر بس اتون ڈوک لگا، ہرانا نتیجہ ٹی 5 بندغ زوال وخت اس کہ ایلو 10 بندغ ٹھپی مسر۔ پولیس ٹرک ڈیور ءِ دزگیر کرے و شکست نا جاست وپاست نا بناءِ کرینے۔ لاش و ٹھپی مروک آتے خڑک انا ہسپتال آ گدریفنگانے۔
