کابل۔ 14 اکتوبر (اے پی پی) اقوام متحدہ نا ہائی کمشنر مہاجرین (یواین ایچ سی آر) مچ آ اوغانستان اٹی ہزار آ ضرورت مند مخلوق ءِ کمک فراوان کرینے۔ اقوام متحدہ نا خبررساں ادارہ نا رداٹ یواین ایچ سی آر اوغانستان ٹویٹ کرے کہ یو این ایچ سی آر چندی کمکی ایجنسی تا شریداری اٹ کابل، قندھار، قندوز و بلخ صوبہ غاتے ٹی جم وڑاٹ 4،506بندغ آتے اُرانا گڑافراوان کرینے۔ ایجنسی پارے کہ اوغانستان نا صوبہ ہرات اٹی نن بنداوی گرج آتے پورو کننگ کن 665 بندغ آتے نغد گرانٹ فراوان کرین وخت اس کہ کابل و ہرات اٹی 973 بندغ نغد زر ہلکر۔ اقوام متحدہ چندی غیر سرکاری تنظیم آتون اواری اٹ سیڷ آن مست تنکی نا خلوک اوغان تے کمکی گڑا فراوان کننگ ءُ۔ یو این ایچ سی آر مستی پارے کہ اوغانستان اٹی بے روزگاری نا کچ و ودوک آ غریبی اتون زرگزرانی حالیت آک پین خراب مننگ ءُ۔
