کابل۔ 14 اکتوبر (اے پی پی) اوغانستان نا صوبہ کنڑاٹی بمب دھماکہ ٹی ضلع شگل نا پولیس سروک زوال و 11 بندغ ٹھپی مسنو۔ فرانسیسی خبررساں ادارہ نا رداٹ طالبان عہدیدار پک کرسا پارینے کہ پنچ شنبے نادے آ صوبہ کنڑ انا دارالحکومت اسد آباد اٹی مروک آ بمب دھماکہ ٹی ضلع شگل نا پولیس چیف نا گاڈی ءِ شست کننگا ہرانا نتیجہ ٹی پولیس سروک زوال وخت اس کہ 11 بندغ ٹھپی مسر۔ کنڑسینٹرل ہسپتال نا ڈاکٹر پارے کہ ہسپتال اٹی دھماکہ نا 11 ٹھپی اتنگانے ہرافتیان 4 طالبان باسک، 7پین شاریک اوار ءُ۔ دھماکہ نا زمواری ءِ داتم اسکان اسہ پڑک اس ہم امنا کتنے۔
