اسلام آباد۔13اکتوبر (اے پی پی): مزن وزیر عمران خان ءَ گوشت کہ سرجمں ملک ءَ 12 ربیع الاول گوں شرپ ءُ ازت ءِ گوما برجم دارگ بیت، سرجمیں ملک ءَ اے ھوالگ ءَ مراگش ءَ برجم دارگ بیت، اسلام آباد ءَ ملکی تاریخ ءِ درستاں چہ مستریں ٹوھیں مراگش بیت۔ چار شمبے ءِ روچ ءَ مزن وزیر عمران خان ءِ سروکی ء۔ 12 ربیع الاول ءِ مراگش ءِ تیاری آنی ھوالگ ءَ مزن تکی دیوان ءِ برجم دارگ بوت۔ دیوان ءَ مزن وزیر ءَ را 12 ربیع الاول ءِ تیاری آنی ھوالگ ءَ سرجمیں بریفنگ دیگ بوت۔ دیوان ءَ بنجاھی وزیر فواد چوہدری ، نور الحق قادری، شفقت محمود، معاونینِ ھاسیں کمکار شہباز گِل، عثمان ڈار، سینیٹر فیصل جاوید، راجی اسمبلی ءِ باسک عامر محمود کیانی ءُ سیادی داروکیں اپسرگ آں بھر زوری کت۔ گورنر سندھ عمران اسماعیل ، سینیٹر سیف اللہ نیازی ءُ ڈاکٹر عطاء الرحمن ءَ ویڈیو لنک ءِ وسیلگ ءَ بھر زوری کت۔
