اسلام آباد۔13اکتوبر (اے پی پی): مزن وزیر عمران خان ءَ گوشت کہ مالی ءُ انتظامی اختیارات آنی پجاری ءَ را دل یکیمی جوڑ کنگ ءِ واستہ جتا جتائیں منصوبگ آنی سر ءَ کار ءِ گام آنی سر ءَ دلگوشی دیگ ءَ آں، گلگت بلتستان ءَ را گہتریں رسانکی آسراتی پجاری ءِ واستہ گامگیج چست کنگ بوھگ ءَ انت۔ مزن وزیر ءَ گلگت بلتستان ءِ مھکمیں دیمروئی منصوبگ آنی دیمروئی کار آنی سر ءَ چار ءُ بچار ءِ واستہ چار شمبے ءِ روچ ءَ دیوان ءِ سروکی کت۔ اے موہ ءِ سر ءَ مزن وزیر ءَ گوشت کہ ما گلگت بلتستان ءَ جتا جتائیں دیمروئی منصوبگ آنی سر ءَ کار ءِ گام آنی سر ءَ دلگوشی دیگ ءَ آں تانکہ انتظامی ءُ مالی اختیار آنی پجاری دل یکیمی جوڑ بوت بکنت۔ مزن وزیر ءَ سیادی داروکیں کارندہ آناں پنت ءُ شون کت کہ آ اے رد ءَ توامیں کانودی ءُ کار رپک آنی تہ ءَ استیں پینگ آناں ساپ ءُ سیدھا بکن انت۔ تانکہ گلگت بلتستان ءِ مردم آناں آسراتی پجاری بوت بکنت ایش وتی جیڈھ آنی گیواری ءِ واستہ اسلام آباد ءَ دراج بُریں پند ءِ برگ ءَ چہ آسراتی بہ رس ایت۔ آئی ءَ ھندی آباتی ءَ را گہتریں رسانک ءِ پجاری ءِ واستہ دمگ ءَ را زوتاں چہ زوت انٹرنیٹ رابطہ پجاری خنگ ءِ ھم پنت ءُ شون ھم کت۔ مزن وزیر ءَ جی بی ءِ واستہ ٹوھیں دیمروئی پیکیج ءِ سر ءَ کار بندات بوتگ ایشی ءِ جار آئیءِ حکومت ءَ اے سال ءِ بندات ءَ جتگ بوتگ۔ پیکج ءِ چیر دستیءَ 370 ارب کلدار مالی سال ۔2025-26 ءِ جتا جتائیں دیمروئی منصوبگ آنی واستہ جی بی ءَ را جاڑی کنگ بوتگ انت۔ دیوان ءَ بنجاھی وزیر محمد حماد اظہر ، علی امین خان گنڈا پور ، سید امین الحق ، بیر سٹر فروغ نسیم ، مزن وزیر ءِ ھاسیں کمکار ڈاکٹر شہباز گل ءُ سر وزیر گلگت بلتستان خالد خورشید ءَ ھوار کلانہ ایں اپسرگ آں بھر زوری کت۔
