اسلام آباد۔ 13 اکتوبر (اے پی پی) وزیراعظم نا خصوصی کمکار قومی جان جوڑی ڈاکٹر فیصل سلطان پارینے کہ سینہ نا کیسر درمان نا قابل ءُ مرض اسے، و وخت آ تشخیص آن دانا درمان مننگ کیک، بریسٹ کینسر آن بچنگ کن آگاہی مہم ءِ جہانی کہول آ ہرسال اکتوبر اٹی پبی وڑاٹ چلیفنگک ہرانا مسخت زالبول آتے دامرض آن بچفنگ کن آگاہی فراوان کننگ ءِ۔ داخیال آتا درشانی ءِ او پاکستان انسٹیٹوٹ آف میڈیکل سائنسز(پمز) اٹی سینہ نا کینسر آن بچنگ نا بابت برجامہم نا چرجوئی ٹی اڈ ہلوک آ دود آن تران کرسا کرے۔ اوپارے کہ سینہ نا کینسر نا وخت آ تشخیص آن اونا پورو درمان مننگ کیک، پمز اٹی بریسٹ کینسر نا بابت سینٹر اس جوڑ کننگانے۔ اونا پاننگ ئس کہ ہرسال اکتوبر اٹی مچ آ دنیاٹی بریسٹ کینسرآن بچنگ نا بابت شعور تالان کننگ کن مہم اس چلیفنگک تانکہ اگہ کس اسے سینہ نا کینسر مرے تو او وخت آ درمان ءِ کرفنگ کے، دادرمان ناقابل ءُ مرض اسے و وخت آ تشخیص آن دانا درمان مننگ کیک۔
