اسلام آباد۔ 13 اکتوبر (اے پی پی) سینیٹ نا قائمہ کمیٹی حوالکاری و شینکاری نا چیئرمین فیصل جاوید پارینے کہ عشرہ رحمت اللعالمینؐ و12 ربیع الاول ءِ شان و شرف اٹ اڈتننگ کن بنجائی و صوبائی کہول آ عظیم الشان دود اڈتننگک و دادے آ لس چھٹی مریک۔ چارشنبے نادے آ تینا ٹویٹ اٹی اوپارے کہ محسن انسانیت، خاتم النبیین پیغمبر اعظم صلی اللہ علیہ و آلہ وسلم نا سیرت نا آگاہی کن دود، میلاد و کانفرنس اڈتننگ انگ ءِ۔ داعشرہ (13-3ربیع الاول) ءِ وزیراعظم تون اوار، پارٹی ورکرز و الس پبی وڑاٹ اڈایتک۔ جشن عیدمیلاد النبی صلی اللہ علیہ و آلہ وسلم ءِ شان و شرف اٹ اڈتننگ کن بنجائی و صوبائی کہول آ عظیم الشان دود اڈتننگ انگ ءِ، مرکزی دود 12 ربیع الاول آ مریک و حسب معمول دادے آ لس چھٹی مریک۔
