اسلام آباد۔ 12 اکتوبر (اے پی پی) بنجائی وزیر امور کشمیر و گلگت بلتستان علی امین خان گنڈاپور مقبوضہ کشمیر اٹی برجابھارتی بربریت نا ترندی اٹ مذمت ءِ کرینے۔ اسہ بیان اسے ٹی اوپارے کہ مقبوضہ کشمیر اٹی بھارتی کوزہ گیر فوجی تا کنڈآن پن انا سرچ آپریشن تیٹی کشمیری تے شہید کننگ نا چرجوئی بے دریغ برجاءِ، بھارتی فوج کشمیری ورناتے عدالت آن ایڑتر کسفنگ ءِ۔ اوپارے کہ بھارت مقبوضہ کشمیر نا ڈیموگرافی ءِ بدل کننگ ءِ، اوچم بازی تے اٹ کشمیری تا حق خودارادیت نا جہد ءِ توننگ کپک۔ علی امین گنڈاپور پارے کہ پاکستان دنیا نا غٹ فورم تیا کشمیری تا حق انا توار ءِ پبی وڑاٹ بڑزکرسا کیک، اونا پاننگ ئس کہ حق خودارادیت نا دوئی کننگ اسکان پاکستان کشمیری تا پبی مخ تفی ءِ برجاتخک۔
