حضرو۔ 12 اکتوبر (اے پی پی) وزیراعظم پاکستان نا خصوصی کمکار موسمیاتی بدلی ملک امین اسلم پارینے کہ السی ویل آتا ایسری کن ہرممکن گام گیج کننگک۔ اوداخیال آتا درشانی ءِ ڈی سی آفس اٹک اٹ جوڑ گڈ گورننس سیل انا دورہ نا وخت آ دیوان نا کماشی ءِ کرسا کرے۔ دیوان اٹی ڈپٹی کمشنر اٹک عمران حامد شیخ و ایلوفک ہم ساڑی ئسر۔ خصوصی کمکار ءِ گڈ گورننس سیل اٹ السی ویل آتا پیدواری و اوفتا ایسری نا بارواٹ ڈی سی اٹک حوال تس۔ اوپارے کہ السی ویل آتا ایسراونا اولیکو اولیت ءِ واوفتا پیدواری کن حوال ہڑدے ئی بنداو آ غٹ اہم محکمہ غاتا آفیسرآک ایترہ و تینا محکمہ غاتا کارکڑد آن معلومدار کیرہ۔ داسیل انا جوڑ کننگ آن السی ویل آتا آگاہی و اوفتا ایسر کننگ اٹ کمک رسینگک۔
