اسلام آباد۔11اکتوبر (اے پی پی): مزن وزیر عمران خان ءَ پنت ءُ شون کت کہ عشرہ رحمتہ اللعالمین ءَ ورنا ءُ زھگ آنی بھر زوری ءَ را دل یکیمی جوڑ کنگ بہ بیت ءُ محمد مصطفیٰ ﷺ ءِ ھمک روچی زندمان ءِ رھبند آناں سہرا کنگ بہ بیت۔ اے ھیالانی درشانی آءی ءَ دو شمبے ءَ عشرہ رحمتہ اللعالمین ءُ دوہازدہ ربیع الاول ءِ ھوالگ ءَ دیوان ءِ سروکی ءَ کنان ءَ کت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ را عشرہ رحمتہ اللعالمین ءِ ھوالگ ءَ جوڑ کتگیں گامگیج آنی سر ءَ سرجمیں بریفنگ دیگ بوتگ۔ دیوان ءَ بنجاھی وزیر چوہدری فواد حسین ، نورالحق قادری، ھاسیں کمکار ڈاکٹر شہباز گل ءُ ارسلان خالد ءَ بھر زوری کت۔ مزن وزیر ءَ گوشت کہ نبی کریم ﷺ سرجمیں کائنات ءِ واستہ رحمت ءِ جوڑ بوتگ ءُ اتکگ۔ نبی کریم ﷺ ءِ سیرت سرجمیں بنی آدم آنی واستہ یک مادنیں کشک ات۔ مزن وزیر ءَ پنت ءُ شون کت کہ عشرہ رحمتہ اللعالمیں ءَ ورنا ءُ زھگ آنی بھر زوری ءَ را دل یکیمی جوڑ کنگ بہ بیت ءُ نبی کریم ﷺ ءِ ھمک روچی زندمان ءِ رھبند آناں سہرا کنگ بہ بیت۔
