کوئٹہ۔ 11 اکتوبر (اے پی پی) وزیراعلیٰ بلوچستان جام کمال خان حب اٹی بمب دھماکہ ٹی ہندی صحافی شاہد زہری نا زوال کننگ آ ڈکھ و است ہسونی نا درشانی ءِ کرسا داواقعہ نا مذمت ءِ کرینے۔ اوپولیس ءِ واقعہ نا جاست وپاست نا پرمان کرے و دااست ہسون واقعہ ٹی اوار بندغ آتے زوت آن زوت دزگیر کننگ نا پارت کرے۔ وزیراعلیٰ رپورٹر شاہد زہری نا خاہوت تون ہڑزخواہی و دلی ہمدردی نا درشانی ءِ کرسا اونا بخشش و پدسلوک آتے کن صبرو جمیل نا دعا کرے۔ وزیراعلیٰ پارے کہ واقعہ ٹی اوار بندغ آتے زوت دزگیر کرسا کانود نا رداٹ سزاتننگے، شاہد زہری نا وارث آتے پورو انصاف فراوان کننگک۔ وزیراعلیٰ پارے کہ صحافی و میڈیا نا کارندہ غاتے رکھ فراوان کننگ حکومت نا زمواری ءِ۔
