کوئٹہ۔ 11 اکتوبر (اے پی پی) ڈپٹی اسپیکر قومی اسمبلی قاسم خان سوری پارینے کہ کبینی و بے روزگاری نا زموار مسکوہی حکومت آک ءُ، ربیع الاول نا مبارک تُواٹی نن سیرت النبی صلی اللہ علیہ و آلہ وسلم نا مطالعہ ءِ کرسا ملکی خذمت کن تیناکلیدی کڑد ءِ ادا کین، السی ویل آتے شاری تا درگہ غا ایسر کننگ کن بلدیاتی نظام نا کانود اٹی بروک آ اڑاند آتا جاچ ءِ ہلنگ انگ ءِ تانکہ شیفکو کہول آ واکداری تا گدریفنگ آن پد الس نا ویل آک ایسر مننگ کیر۔داخیال آتا درشانی ءِ او دوشنبے نادے آ کوئٹہ ٹی ینگ پارلیمنٹرین فورم و شعور فاؤنڈیشن تعلیم و آگاہی نا کنڈآن بلدیاتی نظام، اومیت ووارخواہی نا سرحال آن السی سماعت نا وخت آ گپ وتران کرساکرے۔ ڈپٹی اسپیکر پارے کہ وزیراعظم عمران خان وژنری ءُ لیڈراسے ہراپاکستان و عالم اسلام ءِ مون تروک چیلنج آتون مون تننگ کن ہرکہول آ متحرک کڑد ادا کننگ ءِ ، مستین نا غلط طرزحکمرانی نا سوب آن کبینی و بے روزگاری ءِ، اوپارے کہ ریاست مدینہ ناتغ ءِ پورو کننگ کن بنجائی حکومت وزیر اعظم عمران خان نا کماشی ٹی لگوک ءِ، قاسم خان سوری پارے کہ بروک آدے تیٹی الس ءِ غٹ بشخ آتے ٹی ریلیف فراوان کننگک و زرگزران نا پین گچینی آن غٹ بشخ آتے ٹی الس ءِ دانابھرمک ملرہ، ڈپٹی اسپیکر قومی اسمبلی قاسم خان سوری پارے کہ پاکستان مسلم دنیا نا اولیکو ایٹمی واکدار و عالم اسلام نا اومیت آتا ہند ءِ، ہرا وزیراعظم عمران خان نا کماشی ٹی بروک آدے تیٹی غٹ مسلم ملک آتا رہبری نا فرض ءِ سرایتک۔ عمران خان وژنری لیڈر اسے ہراپاکستان و عالم اسلام ءِ مون تروک چیلنج آتون مون تننگ کن ہرکہول آ متحرک کڑد ادا کننگ ءِ۔
