اسلام آباد۔ 11 اکتوبر (اے پی پی) وزیر مملکت حوالکاری و شینکاری فرخ حبیب پارینے کہ الیکشن کمیشن آف پاکستان مسلم لیگ ن و پیپلزپارٹی نا اکاؤنٹ آتسکان رسینگ کن کنا درخواست ءِ منظور کرینے، داسہ پی ٹی آئی نا فنانشل ایکسپرٹس و چارٹرڈ اکاؤنٹنٹ ہڑتوم آ سیاسی جماعت آتا اکاؤنٹ آتا جانچ پڑتال ءِ کننگ کیک و بروک آ دے تیٹی ہوشرباانکشاف مریک، ن لیگ و پیپلزپارٹی تینا پارٹی اکاؤنٹ آتسکان رسینگ نا بھاز مخالفت ءِ کریسر، اینو الیکشن کمیشن نا فیصلہ غان ن لیگ و پیپلزپارٹی ءِ شکست مسنے، اسٹیٹ بینک آف پاکستان نا کنڈآن سکروٹنی کمیٹی ٹی جمع کرفوک آ ریکارڈ نا رداٹ ن لیگ نا 12 و پیپلزپارٹی نا 7جعلی اکاؤنٹ ءُ، ن لیگ و پیپلزپارٹی تینے کانود آن ایڑتر تکسا بسنو ولے داسہ اوفتے کانود نا توبع مروئی تمک۔ اودوشنبے نادے آ الیکشن کمیشن نا پیشن میڈیا تون گپ وتران کریکہ۔ وزیر مملکت فرخ حبیب پارے کہ تینا اکاؤنٹ آتے ٹی کروڑ آ روپئی جمع کرفوک آ مخلوق دیر ءُ؟ ہراتم چیک کرین تو معلوم مس کہ دا اکاؤنٹ آک پیپلزپارٹی و ن لیگ انا ءُ، چارٹرڈ اکاؤنٹنٹ فرم و ننے آن ن لیگ تینا اکاؤنٹ آتے ڈکھنگ خواہک، ن لیگ مافیا تیان تینا فائدہ کن پیسہ ہلیک۔ اوپارے کہ بلاول بھٹو ءِ داسہ سماتمک کہ اونا پارٹی نا اخس جعلی اکاؤنٹس ءُ ، داہموفک ءُ ہرا التواء نا پداٹ تینے ڈکھرہ، نواز شریف نا اکاؤنٹ منی لانڈرنگ کن ہم استعمال مس، نن غٹ راستکی تے قوم انا مون آ تخنہ۔ اوپارے کہ اپوزیشن نا پارٹی اکاؤنٹس منی لانڈرنگ کن استعمال مس، پیپلزپارٹی و ن لیگ 4 سال آن اکاؤنٹ آتا سرجم آتے تننگ آن نرارہ، پیپلزپارٹی و ن لیگ اتون ہچ ءُ ریکارڈ اس اف، پیپلزپارٹی و ن لیگ انا اکاؤنٹ آتا جانچ پڑتال ءِ کننگے۔ اوپارے کہ اسٹیٹ بینک انا رداٹ پیپلزپارٹی نا 7، ن لیگ انا 12 اکاؤنٹ ءُ، ن لیگ و پیپلزپارٹی مدام تینے کانودآن ایڑترتکانو،م پیپلزپارٹی و ن لیگ ہموکھڈاٹ تمار ہراڑے ننے بٹنگ خوائسرہ۔ اوالیکشن کمیشن نا کنڈآن ن لیگ و پیپلزپارٹی نا اکاؤنٹ آتسکان رسینگ نا فیصلہ نا ستاءِ کرساپارے کہ ن لیگ و پیپلزپارٹی تینا پارٹی اکاؤنٹ آتسکان رسینگ نا ترندی اٹ مخالفت ءِ کریسر، اینو الیکشن کمیشن نا فیصلہ غان ن لیگ و پیپلزپارٹی ءِ شکست مسنے۔
