آباد۔ اکتوبر10: (اے پی پی) مزن وزیر عمران خان ءَ سیر ت النبی ﷺ ءُ مدینہ ءِ ریاست ءِ بازیں تک ءُ پہنات آںی سر ءَ پٹ ءُ پول کنگ ءِ ھاترا وتی سروکی ءَ رحمت اللعالمین ﷺ جوڑ کنگ ءِ جار جتگ ءُ گوشتگ کہ اے تھارٹی اسکول آنی کتاباں ءُ سوشل میڈیا ءَ بے شرپیں نکان آنی ھم چار ءُ تپاسی ءَ کنت، ما وتی ملک ءَ را اے نیمگ ءَ براں کہ آئی بنیات ءَ ھپتاد ءُ چار سال پیسر پاکستان جوڑ بوتگ۔ پہ چُکاناں وتی دود ءُ ربیدگ آں گوں پجاروکی کنگ ءَ کاٹون سیریز جوڑ کنگ بیت۔ آ یک شمبے ءِ روچ ءَ عشرہ ءِ رحمت اللعالمین ﷺ ءِ بنجاھی مراگش ءَ گوں تران کنگ ءَ بوتگ۔ اے موہ ءَ نیک راھی کارانی بنجاھی وزیر پیر نور الحق قادری ءَ ھم تران کتگ۔ وھدیکہ بنجاھی وزیر ءَ ھوار نیک راھی اسکالر اے مراگش ءَ ھوار بوتگ انت۔ مزن وزیر ءَ گوشتگ کہ عشرہ رحمت اللعالمین ﷺ ءِ بندات ءَ پھر سما کناں۔ مدینہ ءِ ریاست ءِ رھبند آنی پد گیری ءَ چہ ملک دیمروئی کنت۔ مدینہ ریاست ءِ بنیات انصاف ءُ انسانیت ءِ نظام بوتگ۔ زوراک کدی انصاف نہ لوٹ ایت بلکینگ ءَ این آر او لوٹ ایت۔ آئی ءَ گوشتگ کہ نبی آخر الزمان ﷺ درستاں چہ پیش وانگ ءُ زانگ ءِ سر ءَ زور پر داتگ۔ زالبول آنی وانگ ءُ زانگ ءِ سر ءَ زور پر داتگ۔ تاں پنچ سد سال ءَ دگنیا ءِ تہ ءَ مزنیں سائنسدان مسلمان بوتگ انت۔ مزن وزیر ءَ گوشتگ کہ بیست ءُ پنچ سال پیسر وھد ءِ سیاست ءِ تہ ءَ ھوار بوتگ آں گڈا ما انسانہ گہبودی ریاست ءِ واستہ جہد ءُ کوشست کتگ۔ آئی ءَ گوشت کہ اگاں ماں وتی ملک ءَ را دیمروئی دیگ لوٹاں۔ گڈا مارا نبی ﷺ ءِ رند گیری کنگ لوٹ ایت۔ آئی ءَ گوشتگ کہ نبی ﷺ ءِ زندمان پہ مئے ھاترا یک روژنائیں کشک ات، پہ آئی رندگیری کنگ ءَ ما گہتری ءِ نیمگ ءَ جنزاں۔ آئی ءَ گوشتگ کہ مارا قرآن ءَ را وانگ ءُ سرپد بوھگ ءِ ضلورت انت۔ واجہ محمد ﷺ پہ تمامیں انسان آنی ھاترا رحمت اللعالمیں جوڑ بوتگ ۔ آ وھد ءَ انصاف ءِ ارزشت ھمینچو مزن بوتگ کہ خلیفہ وھد ءَ یک واجہ علی ءَ چہ یک یہودی ءَ کیس ءَ باج برتگ، مزن وزیر ءَ گوشتگ کہ مارا کرپشن ءِ گر ءُ دار ءِ واستہ چاگرد ءَ را سرپدی دیگ لوٹ ایت۔ کرپشن ءِ ھلاپ ءَ سرجمیں راج جنگ کنت، ایوک ءَ حکومت اچ کت نہ کنت۔ مزن وزیر ءَ گندہ کاری ءَ را چاگرد ءِ یک ھراب تریں ھرابی ءِ لیکیتگ ءُ گوشتگ کہ وھد ءِ ما گندہ کاری ءِ گپ ءَ کناں۔ یک تبک ءِ وتارا لبرل گوشیت جاک ءُ کوکار کنت۔ گندہ کاری چاگرد ءِ تہ ءَ ھاندانی نظام ءِ سر ءَ ھرابیں رند پد دور دنت۔ ایشی رکھینگ ءِ ھاترا مئے اسکالر ایشی ءِ سر ءَ گپ بجن انت۔ مئے چاگرد ءِ تہ ءَ سُہن ءُ مُہر گیش بوھگ ءَ انت۔ اے نہ یک نہ وشیں گپ ات۔ آئی ءَ کابینہ ءُ مزن گس ءِ باسک آں گوں گوشتگ کہ وتی وتی دمگ آں ربیع الاول ءَ سرجمیں دبے ءَ بہ گوازین انت۔ مزن وزیر ءَ گوشتگ کہ نبی ﷺ ءِ شان ءَ بے شرپی ءُ بے ادبی کنگ ءِ پد ءَ پسو دیگ ءِ ھاترا گامگیج چست کناں۔
