اسلام آباد۔10اکتوبر (اے پی پی): بنجاھی وزیر تہی کار شیخ رشید احمد ءَ گوشت کہ ڈاکٹر عبدالقدیر خان ءَ را سرجمیں شرپ ءُ ازت ءِ گوما کبر ءُ کسارت کنگ بیت، مزن وزیر عمران خان ءِ پنت ءُ شون ءِ پد ءَ توامیں وزیر جنازہ ءَ بھر زوری کن انت۔ ڈاکٹر عبدالقدیر خان ءِ بیرانی ءَ راجی بیرک ءَ را کساسے ءَ جھل ٹنگگ بیت۔ یک شمبے ءِ روچ ءَ میڈیا ءَ گوں تران کنان ءَ شیخ رشید احمد ءَ گوشت کہ توامیں بنجاھی وزیر توامیں سروسز چیفس، سلاھ بندیں ارد آنی کارندہ ھم نماز جنازہ ءَ شرکت کناں، فیصل مسجد ءَ لس مردم ءَ را نماز جنازہ ءَ بھر زوری کنگ ءَ موہ دیگ نہ بیت، فیصل مسجد ءُ ایچ ایٹ قبرستان ءَ کبر ءُ کسار ت ءِ انتظامی سرجم کنگ بوتگ انت۔ کبر ءُ کسارت ءِ ھوالگ ءَ ھرچی فیصلہ ڈاکٹر عبدالقدیر خان ءِ ھاندان ءِ مردم کناں، مزن وزیر عمران خان ءَ گوں شور ءُ مشور ءَ چہ پد ایشی سر ءَ عمل کنگ بیت۔
