اسلام آباد۔10اکتوبر (اے پی پی): ادارُکی صدر محمد صادق سنجرانی ءَ “محسن پاکستان ” ءُ ایٹمی سائنسدان عبدالقدیر خان ءِ بیرانی ءِ پد ءَ ڈکھ ءُ اندوھ ءِ درشان کتگ۔ سینیٹ سیکرٹریٹ میڈیا ونگ ءِ نیمگ ءَ جاڑی بوتگیں جار ءِ رد ءَ ادارُکی صدر ءَ گوشت کہ ھدا مرزی ءِ ازمت آناں مدام یات کنگ بیت ءُ ملکی دیمپانی ءَ را بے درور کنگ ءِ واستہ ھدا مرزی عبدالقدیر خان ءِ ازمت لائک ءِ توسیپی انت۔ آئی ءَ گوشت کہ ڈاکٹر عبدالقدیر خان ءِ ازمت آنی سر ءَ سرجمیں راج ءَ را پھر انت۔ آئی ءَ گوشت کہ مُدام آئی ازمت آناں ساڑاھگ بیت۔ آئی ءَ گوں ھُدا وند ءَ دعا ءِ نیک کت ھدامرزی ءِ آکبت ھیر ءُ پشمندگ آنی سگ ءُ اوپار کشی ءِ زکت ءَ بدیات۔ نماز جنازہ ءَ ادارُکی صدر محمد صادق سنجرانی ھم کئیت۔ ڈپٹی چیئرمین سینیٹ سینیٹر مرزا محمد آفریدی ، سینیٹ ءَ ایوان ءِ صدر سینیٹر ڈاکٹر شہزاد وسیم، اپوزیشن ءِ سروک سینیٹر یوسف رضا گیلانی ءَ ھم ایٹمی سائنسدان عبدالقدیر خان ءِ بیرانی ءَ ڈکھ ءُ اپسوزی ءِ درشان ءَ کنان ءَ وتی جتا جتائیں کلوہ آنی تہ ءَ اللہ پاک ءَ گوں ھدا مرزی ءِ آکبت پہ ھیری ءُ درجگ آنی برز ءُ بلندی ءِ واستہ دعا ءِ نیک کت۔
