اسلام آباد۔10اکتوبر (اے پی پی):سروک کامیات ورنا پروگرام عثمان ڈار ءَ گوشت کہ پروگرام ءِ چیر دستی ءَ کاروباری وام آنی پجاری کنگ بوھگ ءَ انت، بنجاھی حکومت ءَ ورنا آناں 21 ارب کلدار ءَ چہ گیش وام بھر ءُ بانگ کنگ ءِ کار جاڑی انت، بینک آنی نیمگ ءَ سکروٹنی ءُ وام ءِ پجاری ءِ کار ءِ تہ ءَ ترندی آرگ بوتگ۔ یک شمبے ءِ روچ ءَ سروک کامیات ورنا پروگرام عثمان ڈار ءَ تاجگیں ھساب ءُ داد آنی جاڑی کنان ءَ گوشت کہ سرجمیں ملک ءَ ورنا آناں 2 ھپتگ آنی تہ ءَ 2 ارب 60 کروڑ کلدار بھر ءُ بانگ کنگ بوتگ۔ اے پروگرام ءِ وسیلگ ءَ روزگار در جنوکیں ورنا آنی کسا 33 ہزار ءَ تاں پجتگ انت۔ ورنا آنی زاتی کاروبار ءِ بابت ءَ سسا سرجم بوھگ ءِ بابت ءَ عثمان ڈار ءَ عثمان ڈار ءَ کامیات ورنا کسہ ٹویٹ کت انت ءُ گوشت کہ کراچی ءِ نندوکیں مہوش وجاہت ءَ لستیں روچ ءَ چہہ وتی ازم ءَ را وتی ازم ءِ وسیلگ جوڑ کتگ۔ آئی ءَ بیوٹی سیلون ءِ کار سکھارینتگ بلے کاروبار ءِ بنگیج ءِ واستہ سرمایہ نہ بوتگ۔ مہوش ءَ گوشت کہ کامیات ورنا پروگرام ءِ وسیلگ ءَ وام ءِ واستہ اپلائی کتگ گڈا سلتیں روچ آنی اندر ءَ لوٹ بوتگ زر دست کپتگ انت۔ اے سبب ءَ من وتی ازم ءِ کمک ءَ چہ وتی کاروبار ءَ را گیش شاھیگانی دیگ ءَ آں۔ آئی ءَ گوشت کہ مزن وزیر عمران خان ءُ سروک کامیات ورنا پروگرام ءِ وسیلگ ءَ منی لیکہ ءُ سسا پیلو بوتگ انت، من باز منت وار آں۔
