کوئٹہ۔9اکتوبر (اے پی پی):ڈپٹی اسپیکر قومی اسمبلی قاسم خان سوری ءَ منیجنگ ڈائریکٹر پاکستان بیت المال ملک ظہیر عباس کھوکھر ءِ شرپ ءَ سوری ہائوس کوئٹہ ءَ پرمڈاھیں دعوت ءِ بست ءُ بند کت ، شپ ءِ شام ءِ دعوت ءَ ہلال احمر بلوچستان عبدالباری بڑیچ ، اسسٹنٹ ایڈووکیٹ جنرل بلوچستان ایوب ترین ایڈووکیٹ ءُ پاکستان تحریک انصاف ءِ ایندگر سروک آں ھم بھر زوری کت۔ اے موہ ءِ سر ءَ ڈپٹی سپیکر قاسم کان سوری ءَ ہرنائی ءِ زمین چنڈ ءِ آماچیں مردم آنی ریلیف ءُ کمک پجاری کنگ ءِ واستہ بنجاھی حکومت ءِ گامگیج آنی سر ءَ دل یکیمی ءِ درشان کنان ءَ ایم ڈی پاکستان بیت المال ءِ بلوچستان ءِ تر ءُ تاب کنگ ءَ را وش اتک کت۔
