کوئٹہ۔9اکتوبر (اے پی پی): مزن وزیر ءِ ھاسیں کمکار برائے چاگردی رکھینگی کار ءُ گریبی ءِ ھلاس کنوک ڈاکٹر ثانیہ نشتر ءَ گوشت کہ مزن وزیر عمران خان ءِ ھاسیں پنت ءُ شون ءِ رد ءَ زمین چنڈ ءِ آماچیں دمگ ءِ مردم آنی جانی ءُ مالی تاوان بار ءُ ریلیف ءِ کار آنی سر ءَ چار ءُ تپاسی گرگ ءِ واستہ ہرنائی ءِ تر ءُ تاب ءَ کنگ ءَ انت۔ بنجاھی حکومت زمین چنڈ ءِ آماچیں مردم آنی گوما ھمک رنگیں کمک کنگ ءِ کرد پیلو کنگ ءَ انت ءُ اے رد ءَ زوت ریلیف پیکیج ءِ جار جنگ بیت۔ اے گپ شمبے ءِ روچ ءَ ڈپٹی سپیکر قاسم سوری ءِ ھمبراھی ءَ زمین چنڈ ءِ آماچیں دمگ ضلع ہرنائی ءِ تر ءُ تاب ءِ موہ ءَ اھوالکاران گوں تران کنان ءَ کت۔
