اسلام آباد۔8اکتوبر (اے پی پی): دری کارانی بنجاہی وزیر مخدوم شاہ محمود قریشی ءَ گشتگ کہ پاکستان گوں امریکہ ءَ دراج بُریں ءُ محکمیں سیادی ءِ وائشت مند اِنت۔ میاں اوستمانی براتی ءِ نیمگ ءَ چہ جوانیں یکجائی، انسانی کمک ، مالیاتی آسراتی ءِ سرکنگ ء ُ اوگان اُلس ءِ جیڑہ ء ُجنجالاں ہلاس کنگ ءِ پد محکمیں معیشت ءِ جوڑ کنگ ءِ ھاترءَ جوانیں گامگیج چست کنگ ءِ ضلورت اِنت۔۔ اے گپ آئی ءَ پاکستان ءِ ترءُتاب ءَ اتکگیں امریکی نائب دری کارانی وزیر وینڈی آرشرمن ءَ گوں گپ ء ُتران کتگء ُ آئی ءَ جمعہ ءِ روچءَ دری کارانی وزارت ءَ گندء ُنندکنانءَ کتگ۔ اسسٹنٹ سیکرٹری برائے جنوبی ء ُ درنیامی ایشیا مسٹر ڈونلڈ لو ہم آئی ءِ ہمراہ بوتگ وہدے کہ دری کارانی سیکرٹری سہیل محمود دری کارانی وزارت ءِ سینئر افسر ہم اے موہ ءَ ساڑی بوتگ اَنت۔ گندءُنندءَ دونیمگی سیادی، اوگانستان ء ُ دمگی امنء ُ ایمنی ءِ بابتءَ ھیال ء ُ لیکہ ءِ درشانی کنگ بوتگ۔
