اسلام آباد۔ 08 اکتوبر (اے پی پی) وزیراعظم نا خصوصی کمکار بحری امور محمود مولوی پارینے کہ کراچی نا الس پی ٹی آئی ءِ مینڈیٹ تسنے، اوفتے تنیا الیپنہ، سندھ حکومت خولم ریلیز کتو تو نن کراچی نا الس نا ویل آتے ایسر کینہ۔ جمعہ نادے آ وزیر مملکت حوالکاری و شینکاری فرخ حبیب تون اوار پریس کانفرنس آن تران کرسا اوپارے کہ سندھ اٹی 12 لکھ ٹن خولم گودام تیٹی تموک ءِ، اگہ سندھ حکومت داخولم تے ریلیز کے تو ویل ایسر مریک ولے سندھ حکومت نا کنڈآن خولم ریلیز کپننگ نا سوب آن اونا نہاد 59 روپئی کلو آ بسنے، بنجائی حکومت تون بھلو خولم اس ساڑی ءِ، ننے کراچی نا الس نا مشکل آتا احساس ارے ولے نن نیام تمنگ خواپنہ انتئے کہ ولدا سندھ حکومت ہژدہ می ترمیم کن غوغاکیک، کراچی نا الس ننے مینڈیٹ تسنے، نن اوفتے تنیا الیپنہ و اگہ سندھ حکومت گام گیج کتو تو نن کراچی نا الس نا ویل آتے ایسر کینہ۔
