اسلام آباد۔ 08 اکتوبر (اے پی پی) فیڈرل بورڈ آف ریونیو(ایف بی آر) اسہ وار ولدا خراج تروک آتے آخیریکو تاریخ آن مست خراج گوشوارہ داخل کننگ نا خواست کرینے۔ ایف بی آر نا ترجمان اسد طاہر جپہ جمعہ نادے آ داڑے جاری بیان اٹی پارے کہ خراج تروک خراج گوشوارہ داخل کننگ نا تاریخ اٹ ودکی آن فائدہ ہرفر و آخیریکو تاریخ 15 اکتوبر 2021نا انتظار ءِ کننگ آن بیدس تینا گوشوارہ غاتے داخل کرفر۔ ترجمان پارے کہ خراج تروک آخیریکو دے تیٹی سسٹم آ تموک آ زور انا نتیجہ ٹی پیش بروک آ مشکل آتیان بچر۔ اوپارے کہ ایف بی آر نا آئی ٹی سسٹم نا کچ اٹ گچینی اتنگانے و آئرس سسٹم بیست ءُ چار گھنٹہ بھاز روانی اٹ چلینگ انگ ءُ۔ اومستی پارے کہ خراج تروک آتے آسراتی تننگ کن کوشست کننگ انگ ءِ و تاریخ اٹ ودکی نا فیصلہ ہم خراج تروک آتا مشکل آتا رداٹ کرین۔ ترجمان پیدوار کرے کہ گوشوارہ جمع کرفنگ نا تاریخ اٹ پین ودکی کننگپک۔
