کوئٹہ۔ 08 اکتوبر (اے پی پی) گورنر بلوچستان سید ظہور احمد آغا صوبائی دارالحکومت کوئٹہ ٹی پوسکن آ گائنی اوپی ڈی مفننگ آ گڑتی نا درشانیءِ کرسا پارینے کہ نن صوبائی دارالحکومت کوئٹہ ٹی اسہ پوسکن ءُ گائنی اوپی ڈی سے آن محروم اُن۔ جمعہ نادے آ ڈاکٹر آتا اسہ ڈل اسے تون گپ وتران کرسا گورنر بلوچستان پارے کہ صوبائی دارالحکومت کوئٹہ ٹی سردست اسہ پوسکن ءُ گائنی اوپی ڈی اسے نا سخت گرج ءِ، سول سنڈیمن ہسپتال کوئٹہ ٹی گائنی وارڈ اکن جاگہ نا تنگی و آسراتی تا کمتی حالیت آتے پین خراب کرینے و نن غٹ اکن گائنی کون آ حساس وارڈاٹی جان جوڑی و سفائی نا ابترحالیت آک گڑتی نا سوب ءُ۔ اوپارے کہ غٹ سرکاری ہسپتال خاص وڑاٹ گائنی وارڈ اٹی گچین طبی آسراتی تا فراوانی ءِ پک کننگے۔ اوپارے کہ ڈاکٹر آتے مرے کہ او تینا فرض ءِ جوان وڑاٹ سرایتر۔ گورنر بلوچستان مستی پارے کہ وزیراعظم پاکستان عمران خان نا جان جوڑی نا بشخ اٹی انقلابی بدلی اتنگ نا تغ ءِ ضرور پورو کینہ۔
