کوئٹہ۔ 08 اکتوبر (اے پی پی) پاکستان ہلال احمر نا مرکزی چیئرمین ابرارالحق نا پرمان آ ہلال احمر بلوچستان نا ٹیم چیئرمین عبدالباری بڑیچ نا کماشی ٹی ہرنائی زمی جمب انا زہمی تا کمک ءِ کننگ کن ٹیم اتون اوار روانہ مس وخت اس کہ مست آن ساڑی کارندہ و عملہ کمکی سرجزآتا بناءِ کرینو۔ کمکی ٹیم اٹی ڈاکٹر و پیرامیڈیکل اسٹاف، فرسٹ ایڈ نا زالبول ٹیم و کمکی گڑاتے ٹی کمبل، جیری کین، تمبو، ہائی جین کٹ، ترپلین شیٹ، سلیپنگ بیک و ایلو المی آ گڑاک اوار ءُ۔ زہمی تے دمدستی امداد کن ہلال احمر بلوچستان نا چار ایمبولینس ٹھپی مروک آ بندغ آتے ریسکیو کننگ نا عمل اٹ لگوک ءُ وخت اس کہ ٹھپی مروک آتا درمان و دوائی تا عمل برجائس۔ داکان بیدس ہلال احمر نا مرکزی چیئرمین ابرارالحق پارینے کہ دا مشکل ساہت اٹی نن زمی جمب آن زہمی خاہوت آتے تنیا الیپنہ۔
