کوئٹہ۔ 08 اکتوبر (اے پی پی) بلوچستان نا علاقہ قلعہ سیف اللہ نیشنل ہائی وے روڈ آ اِراگاڈی نا ڈوک لگنگ اٹ اسہ زالبول اسے تون اوار 4 بندغ زوال کریر، لیویز نا رداٹ جمعہ نادے آ قلعہ سیف اللہ نیشنل ہائی وے روڈ کلی نوابزادہ شیر شاہ جوگیزئی آ ٹوڈی و ٹرک اس ڈوک لگار ہراٹی اسہ زالبول اسے تون اوار 4 بندغ زوال کریر، لیویز ءِ حوال ملنگ تون واقعہ نا جاگہ غا سرمرسا لاش آتے دمدستی وڑاٹ ہندی ہسپتال آ مون تسر، ٹوڈی پشاور آن کوئٹہ نا کنڈآ بسکہ اناگت حادثہ رونمامس، زوال کروک آ بندغ آتا تعلق کوئٹہ غان ءِ۔ زوال کروک آ بندغ آتے ٹی قدرت اللہ۔ بسم اللہ ولد عبدالرزاق افسانہ بی بی ئسک اوار ءُ۔
