کوئٹہ۔ 08اکتوبر (اے پی پی) بلوچستان عوامی پارٹی نا مرکزی راہشون سینیٹر نصیب اللہ خان بازئی پارینے کہ بلوچستان اٹی زمی جمب آن زہمی علاقہ غاتے ٹی پاک فوج، فرنٹیئرکور، این ڈی ایم اے، پی ڈی ایم اے و صوبائی حکومت نا کمکی سرجز ستاکڑزک، ہرنائی و ایلو علاقہ غاتے ٹی مروک آ نسخان تا جاچ ءِ ہلنگ کن وزیراعلیٰ جام کمال ، آئی جی ایف سی و ایلو کمامدارآتا دورہ ستاکڑزوک ءُ ہیت اسے۔ اے پی پی تون گپ وتران کرسا سینیٹر نصیب اللہ خان بازئی پارے کہ غم نا داساہت ات مچ آ قوم زہمی تا ڈکھ اٹ بریبر ناشریک ءِ، باہمت قومک ناگہانی آفت آتا مقابلہ ءِ صبروسگ و یکجا مرسا کیرہ ننا غٹ تر ہمدردیک زمی جمب آن زہمی خاہوت آتون ءُ و انشاء اللہ بھاز زوت پاک فوج، بنجائی و بلوچستان حکومت نا کمک اٹ ہرنائی ، شاہرگ و ایلو زہمی علاقہ غاتے ٹی ہڑدے ئی زند بحال مننگ نا بناءِ کیک ، سینیٹر نصیب اللہ خان بازئی ٹھپی مروک آتا زوت دراخ جوڑی و شہید آتا بخشش کن دعا کرے۔
