خاران۔ 08 اکتوبر (اے پی پی) کمشنر رخشان ڈویژن سعید احمد عمرانی و ڈپٹی کمشنر خاران ڈاکٹر خدارحیم میر وانی تون آل پاکستان کلرک ایسوسی ایشن نا پوسکن گچین مروک آ صدر مقبول احمد سالاری نا کماشی ٹی جتا جتا درستی راستی اوڑدہی اس کریر۔ اوڑدہی ٹی ایپکا جنرل سیکرٹری حسن علی سیاپاد، سرپرست اعلیٰ محمد علم قمبرانی، چیئرمین، صفی اللہ، سینئر نائب صدر اول خان اصغر، سینئر نائب صدر دوئم ملک عرض محمد، ایڈیشنل سیکرٹری رسول بخش، کوآرڈینیٹر سیکرٹری حافظ عبدالرحمان، جوائنٹ سیکرٹری عبدالقادر آلہ زئی، جونیئرنائب صدر اول اسرار احمد سیاپاد، جونیئر نائب صدر دوئم ممتاز احمد پیرکزئی، آفس سیکرٹری عبدالمالک، پریس سیکرٹری محبوب علی شاہ، فنانس سیکرٹری سلطان محمد ناصرئسک اوار ئسر۔ ایپکا نا پوسکن گچین مروک آ کابینہ تون اوڑدہی ٹی کمشنر رخشان ڈویژن سعید احمد عمرانی و ڈپٹی کمشنر خاران ڈاکٹر خدارحیم میروانی ئسک پاریر کہ ایپکانا ہروڑنا ایسر نا چاری ویل آتے ایسر کننگ کن ہرممکن گام گیج کننگک انتئے کہ کلرک دفترآتے ٹی تمبہ نا حیثیت تخک و سرکاری مشینری اوفتا سوب آن رواں دواں ءُ ہرارواویل آک اریر اوفتے ایسر کننگ کن کوشست کننگک، کلرک آتا پروموشن ہم میرٹ نا بنداو آ کننگک و کلریکل ایشوتے زوت ایسر کننگ نا باوری کرفے و ڈل کمشنر و ڈپٹی کمشنر نا منت واری ءِ ہرفے ہرافک ڈل اتون اوڑدہی ٹی ویل آتا ایسر کننگ نا باوری کرفیر۔
