درستیں مردمانی  سینگ ءِوروکی ءِ  نشانی آنی بابتءَ سرپد بہ  بنت، بانک ثمینہ عارف علوی ءِ بریسٹ کینسر سرپدی مہم ءِ درگت ءَ کلوہ

اسلام آباد۔7اکتوبر  (اے پی پی): بانک ثمینہ عارف علوی ءَ گشتگ کہ سینگ ءِ وروکی یک سیلیں نادراہی اِت، ہمک سال ہزاراں زالبول تنا پہ وہد اے نادارہی ءِ بابت ءَ سرپد نابوہگ ءَ مرگ ءِ آماچ بنت، درستاں گوں دزبندی اِنت کہ اے نادراہی ءِ بابتءَ سرپد بہ بنت۔ پنچ شمبے ءِ روچءَ بریست کینسر سرپدی مہم ءِ درگت ءَ وتی کلوہ ءَ آئی ءَ گشتگ کہ سینگ یا آئی ءِ کش ء ُ کِرءَ گُک یا ایندگہ مٹ ءُ بدلی  بوہگءَ زوت گوں ڈاکٹرءَ نزیکی بہ کن اِت۔ بانک ثمینہ علوی ءَ میڈیا ءَ گوں دزبندی کتگ کہ آ اکتوبر ءِ ماہ ءَ بریسٹ کینسر ءِ بابت ءَ مردماناں سرپدی دیئگ ءَ وتی کردءَ پیلو بہ کنت۔ آئی ءَ گشتگ کہ اے گپ ءَ یات بہ اِت کہ  پہ جان ءُ سلامتیں زندءِ ھاترءَ پہ وہد اے  اے نادراہی ءِ بابتءَ سرپد بوہگ المی اِنت۔