اسلام آباد۔7اکتوبر (اے پی پی): تہی کارانی بنجاہی وزیر شیخ رشید احمد ءَ ہرنائی ءَ زمین چنڈ ءَ چہ گران نیادیں انسانی جان آنی زوال بوہگ ءَ گمءُ اپسوزءِ درشانی کتگ کہ آماچیں مردمانی کنگ ءِ ھاترءَ درائیں گامگیج چست کنگ بہ بنت۔ پنچ شمبے ءِ روچءَ وتی بیان ءَ آئیءَ گشتگ کہ زمین چنڈءَ پد ہرنائی ء ُ کشء ُ کِرءَ کمکی سُرءُ پُر برجاہ اَنت۔ آئی ءَ گشتگ کہ سول آرمڈ فورسزز زمین چنڈ ءِ کمک کنگ ءِ ھاترءَ انتظامیہ ءَ گوں ہمراہ داری کنگءَ اِنت، ، فرنٹیر کور بلوچستان نارتھ کمکی کارانی تہ ءَ سرجم ءَ بر زورگ ءَ اِنتءُ ٹپیگاناں طبی کمک دیئگءَ اِنت۔
