کوئٹہ۔7اکتوبر (اے پی پی): بلوچستان ءِ سروزیر جام کمال ءَ گشتگ کہ صوبائی حکومت زمین چنڈ ءِ آماچیں مردمانی کمک کنگءِ ھاترءَ گامگیج چست کنگ ءَ اِنت، ڈیزاسٹر مینجمنٹ اتھارٹی، پی پی ایچ آئی، ضلعی انتظامیہ ء ُ ایندگہ کمکی ادارگاناں آماچیں دمگاں الرٹ کنگ بوتگ،اے گرانیں ساہت ءَ آماچیں مردماں گوں ہم کوپگ اَنت۔ پنچ شمبے ءِ روچءَ جاری بیان ءَ بلوچستان ءِ سروزیر جام کما ل خان ءَ گشتگ کہ ہرنائی ءَ اِشتاپی بُنیات ءَ کمکی سُرء ُپُر جاری اَنت۔ وہدے کہ 8 ٹپیگاناں پاک فوج ءِ ہیلی کاپٹر ءَ چہ کوئٹہ ءَ سرکنگ بوتگ۔ آئی ءَ گشتگ کہ ہرنائی ءِ آماچیں دمگاں طبی کمک ءِ ھاترءَ ایمبولینسز، ایمرجنسی کمک ءِ ھاترءَ ہیلی کاپٹر کارمرز کنگ بوہگءَ اَنت۔ آئی ءَ گشتگ کہ چیف منسٹر سیل، چیف سیکرٹری کارگس، پی ڈی ایم اے، ء ُ کمانڈ اینڈ کنٹرول سینٹر کمکی سُرءُپرانی چارءُ تپاسی ءَ کنگءَ اِنت۔ سروزیر جام کمال خان ءَ زمین چنڈ ءِ آماچیں ٹپیگاناں گہتریں طبی کمک دیئگ ءِ پنت ء ُ شون کتگ۔ سروزیر جام کمال خان ءَ زمین چنڈ ءَ چہ بیرانی بوہگءَ دلپدردی ءِ درشانی کتگ۔
