اسلام آباد۔7اکتوبر (اے پی پی):صدر مملکت ڈاکٹر عارف علوی ءَ گوشت کہ پاکستان برطانیہ ءِ گوما وتی یکوئی ءِ مزن تکی ترجی دنت ءُ وت مہ وتی سیت ءِ توامیں شوبگ آنی دو نیمگی یکوئی آناں گیش شاھیگانی دنت۔ آئی ءَ گوشت کہ پنچ شمبے ءِ روچ ءَ ایوان ءِ صدر ءَ لارڈ واجد خان ءَگوں گند ءُ نند ءِ ساھت ءَ کت۔ صدر ءَ آئی ءَ را پاکستان ءِ سمارٹ لاک ڈائوان پالیشی ءِ بابت ءَ سرپد کت ایشی ءِ سبب ءَ کوویڈ-19 ھوپ نادرراھی ءَ را کامیاتی ءِ گوما گر ءُ دار کنگ بوت۔ آئی ءَ گوشت کہ 20 سال ءِ ساھت ءَ ناشرکاری ءِ ھلاپ ءَ جنگ ءَ پاکستان ءِ کامیاتی آنی سر ءَ چمشانک دات۔ اوگانستان ءِ جاور ھال آنی بابت ءَ ھیال آنی درشانی کنان ءَ صدر مملکت ءَ گوشت کہ پاکستان ءَ اوگانستان ءَ را بنی آدمی کمک پجاری کتگ ءُ 12 ہزار ءَ چہ گیش اوگان ءُ گیر ملکی شہری آنی در کنگ ءَ کمک پجاری کتگ۔ن لارڈ واجد خان ءَ پاکستان ءَ را کویڈ -19 ءِ ھوپ ءَ را کامیاتیں رپک ءَ گامگیج کنگ ءِ پد ءَ مبارک بات دات ءُ اے رد ءَ پاکستان ءِ سمارٹ لاک ڈائون گامگیج آنی توسیپ کت۔
