اسلام آباد۔7اکتوبر (اے پی پی): پاکستان ءَ چین ءِ سفیر نونگ رونگ ءَ سی پیک ءِ سر ءَ بنجاھی وزیر منصوبگ بندی اسد عمر ءِ ھیال ءُ لیکہ آناں ساڑات۔ وتی ٹویٹ ءَ چینی سفیر ءَ بنجاھی وزیر ءِ شگر ءُ منت واری گپت آئی ءَ سی پیک ءِ سر ءَ ایراد گری یک نوکیں امریکی رپوٹ ءِ سر ءَ چمشانک ءَ پاک چین یکوئی ءِ بابت ءَ پروپیگنڈا ءِ ھوالگ ءَ پریس کانفرنس گوانک جت۔ آئی ءَ گوشت کہ ھرچند کہ سی پیک ءِ سفر وشی ءَ گوں دیم ءَ جنزگ ءَ انت ایشی ءَ چہ پاکستان ءُ چین ءِ یکوئی ءَ گیش دیمروئی پیداک انت۔ آئی ءَ گوشت کہ سی پیک ءِ استیں 10 دھمی یکجائی رابطہ کمیٹی (جے سی سی) ءِ دیوان ءَ آئی ٹی ءِ سر ءَ یک نوکیں یکجائی ورکنگ گروپ ءِ جوڑ کنگ بوتگ ایش سی پیک ءَ را دیمروئی بکشائیت۔
