مزن  وزیر عمران خان ءِ توان  ءِ پیداوار ءُ آپ ءِ رکھینگ ءِ منصوبگ آناں وھد ءِ سر ءَ  سرجم بوھگ ءِ واستہ واپڈا ءِ کار کرد ءِ سر ءَ دل یکیمی ءِ درشان

اسلام آباد۔6اکتوبر  (اے پی پی): مزن وزیر عمران خان ءَ ملک ءَ توان ءِ پیداوار ءُ آپ ءِ رکھینگ ءِ منصوبگ آناں وھد ءِ سر ءَ سرجم بوھگ ءِ واستہ واپڈا ءِ کار کرد ءِ سر ءَ دل یکیمی ءِ درشان کتگ۔ چار شمبےءِ روچ ءَ مزن وزیر کارگس ءِ نیمگ ءَ جاڑی بوتگیں بیان ءِ رد ءَ مزن وزیر عمران خان ءَ چیئرمین واپڈا لیفٹیننٹ جنرل (ر) مزمل حسین ءَ گوں گند ءُ نند کت  ءُ مزن وزیر ءَ را  واپڈاس  ءِ  نگرانی ءَ دیامرم، بھاشا ءُ مہمند ڈیم  آں ھوار جتا جتائیں منصوبگ آنی سر ءَ دیمروئی کار آنی بابت ءَ  سرپد کت۔ مزن وزیر ءَ ملک ءَ توان ءِ پیدا وار ءُ آپ ءِ رکھینگ ءِ منصوبگ  آناں وھد ءُ موہ ءِ سر ءَ   دل یکیمی  جوڑ کنگ ءِ واستہ واپڈاس  ءِ کار کرد آنی سر ءَ دل یکیمی ءِ درشان کت۔