کابل۔ 07 اپریل (اے پی پی) اوغانستان نا سیکورٹی فورس آک آپریشن اٹی 17 عسکریت پسند آتا تپاخت کننگ نا داوا ئِ کرینو۔ اوغان میڈیا نا رداٹ کمامدارآک پاریر کہ سیکورٹی فورس آک شین ڈنڈ انا علاقہ ٹی عسکریت پسند آتا برخلاف کارروائی کریر و داٹی کم از کم 10 طالبان تپاخت کریر و 7 ٹھپی مسر۔ کمامدارآتا رداٹ داکارروائی ٹی سلہہ و گولہ بارود آتے ہم کوزہ ٹی ہلنگا۔ سویلی صوبہ ارزگان اٹی اسہ کارروائی اسے ٹی 7 طالبان نا تپاخت کننگ نا داوا کننگانے۔ داکارروائی ترین کوٹ و نواحی علاقہ غاتیٹی کننگا۔
