اوغانستان اٹی امریکی ڈرون جہاز آک جہانی کانود و دوحہ ٹی امارات اسلامیہ تون طے مروک آ امریکی قول آتا اسُل خلاف ورزی ءِ، ذبیح اللہ مجاہد

کابل۔ 29 ستمبر (اے پی پی) اوغانستان نا کلچرل کمیشن نا ملٹی میڈیا برانچ نا سروک احمداللہ متقی و اوغان حکومت نا ترجمان ذبیح اللہ مجاہد ئسک پارینو کہ اوغانستان اٹی ڈرون آتا جہازآک امریکہ نا کنڈآن ساڑی آ جہانی کانود و دوحہ ٹی امارات اسلامیہ تون طے مروک آ امریکی قول آتا اسُل خلاف ورزیءِ۔ برطانوی خبررساں ادارہ نا رداٹ اسہ ٹویٹ اسے ٹی اوپارے کہ نن غٹ ملک، خاص وڑاٹ امریکہ غا زور شاغنہ کہ او ممکنہ منفی نتیجہ غاتیان بچنگ کن اوغانستان تون جہانی کانود ، قول و حق انا روشتی ٹی باندات کے۔ داکان بیدس اوغان حکومت نا ترجمان ذبیح اللہ مجاہد نا کنڈآن جاری بیان اٹی پاننگانے کہ جہانی کانود نا رداٹ غٹ ملک آک تینا علاقائی و فضائی دنگ انا مالک ءُ۔ ہندا اصول نا رداٹ اسلامی امارات اوغانستان نا ڈغاری و فضائی دنگ انا محافظ ءِ۔ ساڑی ہی ٹی امریکہ اوغانستان نا فضائی دنگ اٹ ڈروج جہاز آتے اٹ غٹ جہانی کانود و حق و دوحہ ٹی اسلامی امارات تون طے مروک قول آتا خلاف ورزیءِ کرینے۔ داوڑنا خلاف ورزی تے لازما درست و اوفتیان پاناد کننگے۔ نن غٹ ملک، خاص وڑاٹ امریکہ غا زور شاغنہ کہ اواوغانستان تون جہانی کانود، قول و حق انا روشتی ٹی باندات کے و منفی نتیجہ غاتیان بچنگ کن تین پہ تینی شرف و قول آتا پاسداری ءِ کے۔