ہوسٹن۔ 29 ستمبر (اے پی پی) سویلی امریکہ نا ریاست لوزیانا ٹی اسہ کیمیائی پلانٹ اسے ٹی دھماکہ غان 5 بندغ ٹھپی مسر۔ امریکی میڈیا نا حوال نا رداٹ لوزیانا ٹی اسہ کیمیائی پلانٹ اسے ٹی دھماکہ غان 6 بندغ ٹھپی مسر و او کنٹریکٹ ملازم آتے درمان کن ہسپتال آ دننگا و اوفتیان 3بندغ ءِ طبی امداد ترسا کشنگا ولے داواقعہ نا بابت کس اسے نازوال کننگ نا ہچ ءُ حوال اس اف۔ دھماکہ نن نا 11 بجہ نا وخت آ مس، دھماکہ نا وخت آ یونٹ نا خیالداری برجائس۔ پلانٹ نا ترجمان پارے کہ دھماکہ فلیش فائر اس ئس و داواقعہ غان پد ہچ ءُ خاخر اس لگتو۔ دھماکہ نا سوب آتے معلوم کننگ کن جاست وپاست برجاءِ۔
