نیویارک۔ 25ستمبر (اے پی پی) وزیرخارجہ مخدوم شاہ محمود قریشی پارینے کہ وزیراعظم عمران خان اقوام متحدہ نا جنرل اسمبلی آن تینا تران اٹی کشمیر نا ویل ءِ پبی وڑاٹ تالان کرے، اوغانستان نا الس نا سکون و امن کن گام گیج کروئی مریک، پاکستان کیہی دہائی آن اوغان مہاجر آتا مہمانداریءِ کننگ ءِ۔ داخیال آتا درشانی ءِ او وزیراعظم عمران خان نا جنرل اسمبلی آن تران آن پد میڈیا تون گپ وتران کرسا کرے۔ او پارے کہ امریکی وزیرخارجہ اوغانستان آن پیش تمنگ اٹ پاکستان نا کڑد انا ستاءِ کرے، سیکرٹری جنرل اقوام متحدہ تون اوغانستان و کشمیر اتون اوار ایلو باندات آ گپ وتران مس، امریکی وزیرخارجہ تون تین پہ تینی امور و اوغان باندات آتیا ہم ہیت مس۔ اوپارے کہ وزیراعظم تینا تران اٹی کشمیر نا ویل ءِ تالان کرے و ہندوستان نا عزم ءِ بے نقاب کرے۔ وزیرخارجیہ پارے کہ وزیراعظم دنیا ءِ معلومدار کرے کہ اوغانستان نا بگڑینگوک آ حالیت آک پین بگڑینگ انگ کیرہ، اوغانستان نا الس نا سکون و امن کن گام گیج کروئی مریک، بھلو وخت اسے آن پد اوغانستان اٹی امن نا اومیت ودی مسنے۔
