نیویارک۔22ستمبر (اے پی پی):پاکستان اعتراض ءِ پد ءُ سری لنکا ءِ نیمگءَ چہ پاکستان ءِ ہمراہ داری کنگ ء َ پد سارک ءِ 25 ستمبرءَ بوہوکیں دیوان مھتل کنگ بوتگ۔ پاکستان ءَ اعتراض کتگ کہ بھارت ءَ جموں ء ُ کشمیر ءَ زُلمء ُ ناحقی ءَ ہوار اوگانستان ءِ قانودی نمائندگی ءِ بابتءَ جست چست کنگءِ سوب ءَ 25 ستمبر ءَ نیویارک ءَ بوہوکیں ساؤتھ ایشین ایسوسی ایشن فار ریجنل کوآپریشن ( سارک) ملک آنی دیوان کنگ جوان نابیت ۔ اے بابت ءَ بھارت ءِ زور پِر دیئگ ءَ ابید ہم دیوان مھتل کنگ بوتگ۔ سارک ملک آنی تہا افغانستان، بنگلہ دیش، بھوٹان، بھارت، مالدیپ، نیپال، پاکستان ءُ سری ہوار اَنت۔ یک سفارت کارے ءَ وتی ریمارکس ءِ تہا گشتگ کہ اے گپ ءِ تہا ایچ شک نیست کہ بھارتی میڈیا ءِ ٹویٹ پاکستان ءِ ھلاپ ءَ پندل سازگ ءِ سوب ءَ بھارتی شرمندگی ءَ را چیر دیئگ ءِ کوشست اِت۔
