کابل۔ 05 اپریل (اے پی پی) اوغانستان نا سیکورٹی فورس آک ملک انا چندی علاقہ غاتیٹی کارروائی تیٹی 39 عسکریت پسند آتا تپاخت کننگ نا داوا کرینو۔ اوغان میڈیا نا رداٹ تدوک آ دے ننگر ہار انا ضلع آچین اٹی فوج اسے کارروائی اسے ٹی شدت پسند تنظیم داعش نا 9 جنگوڑوآتے تپاخت کرے۔ کمامدارآتارداٹ داکارروائی ٹی پین اِرا درملکی تا دزگیری ئِ عمل اٹی اتنگانے ولے اوفتا قومیت نا بارواٹی پاننگ تنے۔ صوبہ قندہار اٹی اسہ فضائی جلہو اسے ٹی کم از کم 30 جنگوڑو تپاخت کریر۔ اوغان کمامدارآتارداٹ دا فضائی جلہو قندہار نا علاقہ شاہ ولی کوٹ اٹی طالبان تا اسہ اسہ شکبر ئُ کمپاﺅنڈ اسے آ کننگا۔
