بیجنگ ۔18ستمبر (اے پی پی):چین ءِ وزارت ءِ درئی کار ءِ ترجمان ژائولیجیان ءَ گوشتکہ چین، روس پاکستان ءُ ایران ءَ اوگانستان ءَ ھاسیں رنگ ءَ پڑے ایمنی، سلامتی ءُ برجائی ءِ دیمروئی ءِ واستہ یکجائی کوشست کنگ ءِجزم ءِ درشان کتگ۔ گوستگیں روچ ءَ وتی بریفنگ ءِ ساھت ءَ ترجمان ءَ گوشت کہ چین ءِ اسٹیٹ قونصلر ءُ وزیر ءِ درئی کار وانگ یی ءَ دو شنبے ءَ روس ءِ وزیر ءِ درئی کار سرگئی لاوروف، پاکستان ءِ وزیر ءِ درئی کار شاہ محمود قریشی، ءُ ایران ءِ وزیر ءِ درئی کار ءِ کلانہ ایں نماھندگ رسول موسوی ءِ گوما شنگھائی کمکی گل ءُ سی ایس ٹی او ءِ دیوان آنی موہ ءَ گند ءُ نند کت۔ ایشی ءِ تہ ءَ اوگانستان ءِ جاور ھال آنی سر ءَ سرجمیں ھیال ریچی کنگ بوت۔ ترجمان ءَ گوشت کہ فریقین آں اے ھوالگ ءَ کمک جاڑی دارگ ءُ جوانیں وھد ءَ دیوان برجم دارگ ءِ ھوالگ ءَ تپاک کت۔
