نیویارک۔18ستمبر (اے پی پی):امریکی فوج ءِ من اتگ کہ اوگانستان ءَ چہ در کپگ ءَ پیسر کابل ءِ سر ءَ ڈرون ارش ءَ شہری مردم بیران بوتگ انت ایش یک ٹوھیں اپسوزی وئیل ءُ ردئی ءِ بوتگ، ڈرون ارش ءَ داعش ءِ ناشرکار آنی مٹ ءَ 10 شہری مردم بیران بوتگ انت۔ شمبے ءِ روچ ءَ برطانوی ھال رسانکی در ءِ رد ءَ گوستگیں ماہ ءَ 29 اگست ءَ کابل ءَ ڈرون ارش ءِ ھوالگ ءَ امریکی سنٹرل کمانڈ ءِ پٹ ءُ پول سرجم بوتگ، پینٹاگون ءَ وتی ردئی ءَ را من اتگ ءُ گوشتگ کہ گوستگیں ماہ ءَ کابل ءَ ڈرون ارش ردئی ءِ بوتگ انٹیلی جنس ھال ءِ پد ءَ بوتگ، ارش ءَ یک کمکی باسک ءِ ءَ ھوار یک ھاندانے نو 9 مردم بیران بوتگ انت۔ ، بیران بوتگیں مردم آنی تہ ءَ 7 زھگ ھوار انت۔ ایشانی تہ ءَ درستاں چہ کستریں امبر ءِ زھگ 2 سال بوتگ۔
