اقوام متحدہ۔ 09ستمبر (اے پی پی) اقوام متحدہ شام اٹی ودوک آ بے چیٹی آ گڑتی نا درشانی ءِ کرینے۔ چینی خبررساں ادارہ نا رداٹ اقوام متحدہ نا سیکرٹری جنرل انتونیوگوتریس نا چیف ترجمان سٹیفن دوجارک تینا بیان اٹی پارے کہ قطب دیکی علاقہ غاتے ٹی 4شاری تا زوال تیا ودوک آبے چیٹی آ اقوام متحدہ ءِ بھاز گڑتیءِ۔ اوپارے کہ دوشنبے و سے شنبے آ مروک آ مسہ واقعہ غاتے ٹی کم از کم 7شاری ٹھپی مسر ہرافتے ٹی زالبول و چناک ہم اوار ءُ و دا جلہو آتے ٹی مبینہ وڑاٹ ہنکینی علاقہ و ہندی وڑاٹ بے اُرا بندغ آتا اسہ کیمپ اس زہمی مس۔ اومستی پارے کہ مارچ 2020اٹی جنگ بندی آن پد ہم صوبہ نا خلقی سویل دیکی علاقہ غاتیا جلہو آتے ٹی شدت بسنے۔ اواسہ حوال اسے ٹی پارے کہ نن شام انا جھیڑہ نا غٹ فریق آتے یات دہانی کرفنہ کہ او جہانی انسانی کانود نا رداٹ تینا زمواری تا شرف ءِ کے و شاری تا رکھ ءِ پک کے۔
